‘ગૃહિણીથી ગૃહસ્વામિની સુધીની મહિલાઓની ઉત્ક્રાંતિ’

ડૉ.નિરંજન હિરાનંદાની – એમડી- હિરાનંદાની ગ્રુપ અને રાષ્ટ્રીય અધ્યક્ષ – નારેડકો

 કોવિડ -19 મહામારી પછીના આ નવા અને સામાન્ય થઈ રહેલા સમયમાં, પોતાની માલિકીનું ઘર ધરાવવું એ ફક્ત સ્વપ્ન જ નહીં, પણ એક આવશ્યક જરૂરિયાત પણ છે. હજારો વર્ષોના આ  નવયુગે  સમાન તક અને લિંગ સમાનતાની ભાવનાઓને ફરીથી વ્યાખ્યાયિત કરી છે, અને આપણે આ ક્ષેત્રમાં મહિલાઓને ‘સ્વપ્ન ગૃહ’ ને વાસ્તવિક બનાવવાની જવાબદારીઓ નિભાવતી જોઈ રહ્યા છીએ.

મહિલાઓની સંખ્યા ભારતભરના શહેરોમાં  કામકાજી મહિલાઓ તરીકે ઊભરી રહી છે ત્યારે ફક્ત પોતાના ઘર ધરાવવાના પાસાથી આગળ વધીને,  તેમના માટે, સ્થાવર મિલકત  સંપત્તિનો એ પ્રકાર છે જે સલામતી, સુરક્ષા અને ઉચ્ચ વ્યાજદર આપે છે.  પ્રચાર માધ્યમોના અહેવાલોમાં ઉલ્લેખિત તાજેતરના એક સર્વેક્ષણ પ્રમાણે 77 ટકા મહિલાઓએ રહેવા માટે મકાનોની ખરીદી કરી હતી જ્યારે 23 ટકા મહિલાઓએ રોકાણ માટે ઘરોની ખરીદી કરી હતી.  રિપોર્ટમાં એ પણ ઉમેરવામાં આવ્યું હતું કે સ્થાવર મિલકતમાં રોકાણ કરતી મહિલાઓએ જરૂરી સંશોધન પછી આ પગલું લીધું હતું.  આના ઉપરથી એ નિષ્કર્ષ નીકળે છે કે મૂડીવૃદ્ધિ અને ભાડાની આવક આ દ્વિલાભ માટે મહિલાઓ સ્થાવર મિલકતમાં રોકાણ કરે છે.

મુખ્ય નિર્ણયો લેવામાં ભાગ લેવો તેમજ સલામત અને સુરક્ષિત માળખાની જરૂરિયાતને કારણે આવેલા વૈચારિક પરિવર્તનોએ નવા નિયમનકારી શાસનમાં, મહિલા ગૃહ ગ્રાહકોની સંખ્યામાં વૃદ્ધિ થઈ છે.  છેલ્લા કેટલાક વર્ષોથી ઘર ખરીદનારાઓની વધતી જતી સંખ્યામાં, આજની મહિલાઓ આર્થિક સ્વતંત્રતાના કારણે પ્રગતિશીલ અને જોખમલક્ષી બની છે.  આનાથી તેમના નાણાંકીય રોકાણના અભિગમમાં ફેરફાર થયો છે;  સ્થિર માલકિયત અને સારા વળતર  જેવા પાસાઓને જોતાં સોના અથવા સ્થાવર થાપણો જેવા સંપત્તિના પ્રકારથી ધ્યાન ખસેડી રિયલ એસ્ટેટમાં ધ્યાન કેન્દ્રિત કરવામાં આવી રહ્યું છે. પરિણામે, કોવિડ 19 રોગચાળા પછી આ શક્તિશાળી વસ્તી વિષયક આંકમાં વધારો થયો છે, અને આ ઝડપી વૃદ્ધિએ ઉદ્યોગનું ધ્યાન ખેંચ્યું છે.

આ ક્ષેત્ર ખર્ચ કરી શકાય એવી ઉચ્ચ આવક, પોર્ટફોલિયો વૈવિધ્યને પ્રતિબિંબિત કરે છે, જેના કારણે બહુવિધ કર અને નાણાકીય લાભોની જરૂર પડે છે.  નીચા ગૃહ ઋણના વ્યાજ દર,  સ્ટેમ્પ ડ્યુટીમાં ઘટાડો, ટેક્સ બેનિફિટ્સ તેમ જ વિકાસકર્તાઓ તરફથી મહિલા દિનના ઉપલક્ષ્યમાં લાભદાયી સોદાઓની રજૂઆત;  એવા પરિબળો છે જે આ ક્ષેત્રને આગળ વધવામાં અને પોતાનું ઘર ખરીદવા માટે પ્રોત્સાહિત કરે છે.

આના કારણે સત્તાધીશોએ પણ એવા પગલાં  જાહેર કર્યાં છે જે મહિલા ગૃહ ખરીદદારોને  પ્રોત્સાહિત કરે.  સીએલએસએસ અંતર્ગત પીએમએવાય-યુ યોજનામાં પહેલીવાર ઘર ખરીદતી મહિલાઓ માટેની  વ્યાજ નાણાં સહાય યોજના આનું એક ઉત્તમ ઉદાહરણ છે, કેમ કે  પોસાય તેવા ઘરની સહ-માલિક અથવા એકમાત્ર માલિક મહિલાને બનાવવી એ તેનું ફરજિયાત પાસું છે.

તાજેતરના પ્રચાર માધ્યમોના અહેવાલો સૂચવે છે કે મિલકત તરીકે ઘર ખરીદનારી મહિલાઓમાં 47 ટકા 25-35 વર્ષની વય જૂથની છે, ત્યારબાદ 35-45 વયજૂથની 41 ટકા મહિલાઓ છે;  આ બંને વયજૂથ ઘર ખરીદવા માટે યોગ્ય વયજૂથ છે.  શહેરી વિસ્તારોમાં મહિલાઓનું સ્થળાંતરણ સમજપૂર્વકનું છે અને ઘર ખરીદવાના સોદાને અંતિમ રૂપ આપતા પહેલાં સુલભતા અને સામુદાયિક રહેવાસ જેવા મુખ્ય નિર્ણાયક પરિબળોને  ધ્યાનમાં લેવામાં આવે છે.

રહેણાંક સંપત્તિની પસંદગી કરતી વખતે મહિલા ગ્રાહક વ્યવહારિક ઉપયોગિતા અને કાર્યક્ષમતાને ધ્યાનમાં રાખે છે.  મહિલા ગ્રાહક એવા ઘરની  શોધ કરતી વખતે સુરક્ષા, ઘણી જરૂરિયાતોને પૂર્ણ કરવા માટે મધ્યમ-કદના એપાર્ટમેન્ટ્સ, તેમ જ લાંબા ગાળે વળતરમાં વૃદ્ધિનું મૂલ્યાંકન કરીને ઘર પસંદ કરે છે.

મહત્વાકાંક્ષી મહિલા ગૃહ ગ્રાહકોના આ ઉભરતા ક્ષેત્ર માટે,સંકલિત વસાહતોમાં ઘરો ખરીદવાનું સમજણભર્યું છે, જે તેમને આરામ, સુવિધાની ખાતરી આપે છે. તેઓ સામૂહિક વસવાટના લાભોનો આનંદ માણી શકે છે કારણકે  મોટાભાગની મહિલાઓ તેમના પરિવારથી દૂર આ ઘરોમાં રહેતી હોય છે. સંકલિત વસાહતી રહેવાસમાં તેમની જીવનશૈલી અનુસાર દૈનિક જીવનની જરૂરિયાતો જેવી કે શિક્ષણ, આરોગ્યસંભાળ, ઉચ્ચ ગુણવત્તાવાળી વસ્તુઓની છૂટક ખરીદી, મનોરંજન અને દૈનિક સગવડતાઓ  હોય છે. તે ‘વૉક ટુ વર્ક’ વિકલ્પની તક આપે છે, ઉપરાંત ‘ઘરેથી કામ’ અથવા ‘રિમોટ લોકેશન વર્ક’ વિકલ્પો પણ આપે છે.  સાકલ્યવાદી રહેવાસ, મહિલા ગૃહ ગ્રાહકોને ‘કામ, જીવન, મનોરંજન’ ના પાસા વચ્ચે સંતુલન આપે છે અને સલામત વાતાવરણમાં તેમના જીવનધોરણને સમૃદ્ધ બનાવે છે.  ઇકો-ફ્રેંડલી અને હરિત વાતાવરણ તેમની વૃદ્ધિદરને વધારે છે,  તેમની માનસિક, ભાવનાત્મક અને શારીરિક સુખાકારી વચ્ચે યોગ્ય સંતુલન જાળવી રાખે છે.  મહિલા દિને, આ ઉદ્યોગ આ ઉભરતા ક્ષેત્રને વધુ શક્તિ મળે તેવી ઇચ્છા રાખે છે અને નવી ‘ગૃહ સ્વામિનીઓ’ તરીકે તેમનું સ્વાગત કરે છે.